ԱՄՆ-ում հետախուզության գործերով սենատի կոմիտեն դիտարկում է Կենտրոնական հետախուզական վարչության նոր ղեկավարի թեկնածությունը: Այս պաշտոնի համար ԱՄՆ-ի նախագահ Բարաք Օբաման առաջարկել է ահաբեկչության դեմ պայքարի հարցերով իր խորհրդականի՝ Ջոն Բրենանի թեկնածությունը:
Ինչպես հաղորդում է Vesti-ն, կոմիտեի լսումներն ընդհատվել են հակառազմական շարժման կին ակտիվիստների ակցիայի պատճառով:
Ակտիվիստները, որոնց ձեռքերը թաթախված են եղել կարմիր ներկով, Բրենանին մեղադրել են ռազմական հանցագործություններում: Բանավեճերը շարունակվել են այն բանից հետո, երբ ոստիկանները կանանց դուրս են բերել սրահից:
Նշենք, որ ԿՀՎ նախկին ղեկավար Դևիդ Փեթրեուսն ինքնակամ պաշտոնից հեռացել էր բացահայտված ամուսնական դավաճանությունից հետո:
Ջոն Բրենանի անունը սկանդալներում չի հայտնվել, սակայն հիշատակվել է ամերիկյան բանտերում ենթադրյալ ահաբեկիչների դեմ կտտանքներ իրականացնելու կապակցությամբ: