Ինչպես տեղեկացրել էինք, Արմավիրում կայացած քաղաքապետի ընտրություններից հետո գործող քաղաքապետ, «Հանրապետական» կուսակցության անդամ Ռուբեն Խլղաթյանին ընդամենը 1000 ձայնով պարտված Սևակ Մինասյանը ընտրությունների արդյունքները բողոքարկել էր: Սակայն ինչպես տեղեկացանք Սևակ Մինասյանի վստահված անձ Սարգիս Ցականյանից, Վարչական դատարանը 3 օրվա ընթացքում մերժել է բողոքը, ինչի արդյունքում որոշումն այլևս բողոքարկման ենթակա չէ:
Հիշեցնենք, որ Սերժ Սարգսյանը ընտրություններից առաջ հրահանգել էր, որ ընտրություններն անցնեն առանց միջադեպերի և արդար: Այնինչ ընտրություններն անցան բացահայտ կեղծիքներով, միջադեպերով: Արդյունքում Սերժ Սարգսյանի խոսքը ոչ միայն քաղաքապետը չհարգեց, այլև հենց ինքը իր խոսքի նկատմամբ հետևողականություն չդրսևորեց: