Կալիֆոռնիայի Բըրբենք քաղաքում տեղի է ունեցել գողության փորձ՝ հայազգի տղամարդու մասնակցությամբ: Այս մասին հայտնում է Burbank Leader-ը:
Ինչպես պարզվել է՝ Գլենդելի բնակիչ, 44-ամյա Արթուր Խալաթյանը փորձել է Vons առևտրի կենտրոնից հեռանալ առանց վճարելու: Ոստիկանության տվյալներով՝ նրա զամբյուղը լցված է եղել մսի թանկարժեք կտորների 21 փաթեթով և մաքրող միջոցների 11 շշով:
Խանութի աշխատակիցը ճանաչել է Խալաթյանին (օրեր առաջ նա դարձյալ համանման հնարքի էր դիմել) և արագ տեղեկացրել է համապատասխան մարմիններին:
Խանութից դուրս սողոսկելու պահին նրան ձերբակալել են: Ոստիկանության փոխանցմամբ՝ Խալաթյանը հարվածել է ոստիկանի դեմքին և փախել:
