Իսպանիայի վարչապետ Մարիանո Ռախոյի հրաժարականի և խորհրդարանական արտահերթ ընտրություններ անցկացնելու պահանջով դիմումի տակ ստորագրել է ավելի քան 1 միլիոն մարդ, հաղորդում է Rosbalt-ը:
Փաստաթուղթը տեղադրվել է Change.org կայքում այն բանից հետո, երբ կառավարության ղեկավարը հայտնվել է գումարների անօրինական փոխանցման շուրջ ծագած սկանդալում, որոնք իրականացրել են իշխող Ազգային կուսակցության բարձրաստիճան պաշտոնյաները:
Իսպանիայի մի շարք քաղաքներում բողոքի ակցիաներ են անցկացվում այն բանից հետո, երբ իսպանիայի վարչապետ Մարիանո Ռախոյը հայտնվում է կոռուպցիոն սկանդալի կենտրոնում: Մի քանի օր շարունակ Մադրիդում, Բարսելոնայում, Սեվիլիայում և մի շարք այլ քաղաքների փողոցներ դուրս եկած ցուցարարները պահանջում էին Ռախոյի հրաժարականը և այն, որ Ազգային կուսակցությունն իր ֆինանսական գործարքների վերաբերյալ հաշվետվություն ներկայացնի:
