Տատիկավայի ակտիվ սեյսմիկ ցնցումը, որը գտնվում է Տոկիոյի մոտակայքում, կարող է Ճապոնիայի մայրաքաղաքում առաջացնել հզոր երկրաշարժ, ավելի հզոր, քան ավելի վաղ ենթադրվում էր: Այս մասին մանրամասներն ուսումնասիրելուց հետո հայտարարել են տեղի գիտնականները: Ավելի վաղ գիտնականները ենթադրում էին, որ այդտեղ տեղի են ունեցել միայն ուղղահայաց ցնցումներ: Հետազոտական խմբի ղեկավարը նշել է, որ պետք է հաշվարկեն, թե որքան կկազմեն այդ շրջանում ստորգետնյա ցնցումների պատճառած վնասները:Տոկիոյի իշխանությունները հաշվի առնելով նոր մանրամասները՝ կլրամշակեն միջոցառումների փաթեթը` աղետի ժամանակ վնասները նվազագույնի հասցնելու նպատակով: Սեյսմոլոգների կանխատեսումներով՝ առաջիկա 4 տարվա ընթացքում Ճապոնիայի մայրաքաղաքի տարածքում 7,0 մագնիտուդ ուժգնությամբ ավերիչ երկրաշարժի հավանականությունը 70 % է:
Ամենասարսափելի սցենարի իրականացման պարագայում զոհերի թիվը կհասնի 11 հազարի, 850 հազար շինություններ կավերվեն: Նման դեպքում վնասի ընդհանուր թիվը կկազմի մոտ 112 տրիլիոն իեն (1,2 տրիլիոն դոլար):
