TeleGeography հեռահաղորդակցության ընկերությունն իր պաշտոնական կայքում ցուցադրել է համացանցի ստորջրյա մալուխների քարտեզը, գրում է korrespondent.net-ը:
Քարտեզը ներառում է համաշխարհային ինտերնետ-կապի 278 հիմնական մալուխների տեղակայությունն ու ուղղությունները:
Քարտեզի ձևավորման համար հիմք են ծառայել ծովային կենդանիները, ինչպես նաև լարերը անցկացնելու գործընթացից տեսարաններ: Դիզայներները պնդում են, որ մեծամասամբ պատկերները վերցվել են Չետ Վան Դուզերի «Միջնադարի և Վերածննդի շրջանի ծովային հրեշները» գրքից:
Մշակողները ներկայացրել են նաև քարտեզի ինտերակտիվ տարբերակը:
