Վրաստանը պատրաստվում է «մինչև 2016թ. ամբողջությամբ անցում կատարել պրոֆեսիոնալ բանակի»: Այս մասին, հաղորդում է «Գրուզիա Օնլայն»-ը, հայտարարել է Վրաստանի վարչապետ Բիձինա Իվանիշվիլին:
Վարչապետի խոսքերով՝ դա շատ ողջունելի է և ևս մեկ անգամ կընդգծի այն, որ Վրաստանը շարժվում է դեպի Եվրոպա և մոտենում է ՆԱՏՕ-ի չափանիշներին:
Ավելի վաղ Վրաստանի պաշտպանության նախարար Իրակլի Ալասանիան հայտարարել էր, որ պետք է հեշտացնել զինակոչման համակարգը և առաջիկա չորս տարիների ընթացքում ամբողջությամբ անցում կատարել պրոֆեսիոնալ բանակի:
Նշենք, որ վարչապետը նման հայտարարությամբ հանդես է եկել այն բանից հետո, երբ փետրվարի 6-ին այցելել է պաշտպանության նախարարություն:
Վարչապետը պաշտպանության նախարարության վարչության կենտրոնում տեսակոնֆերանսի միջոցով զրուցել է Աֆղանստանում Վրաստանի առաքելության հրամանատարների հետ և շնորհակալություն հայտնել վերջիններս ծառայության համար: Իվանիշվիլին հայտարարել է, որ Վրաստանը հպարտ է Աֆղանստանում գործողության մասնակից լինելու համար:
Վարչապետը նաև ողջունել է Ալասանիային այն բանի համար, որ վերջինիս բարձրացրել է Աֆղնաստանում ծառայող վրացի զինվորների աշխատավարձները:
Այնուամենայնիվ, Իվանիշվիլին նշել է, որ «ենթակառուցվածքում խնդիրների կան»:
«Ալասանիան այնքան էլ նախանձելի ժառանգություն չի ստացել»,- հայտարարել է վարչապետը և հավելել, որ կառավարությունը միջոցներ կհատկացնի պայմանների բերալավման համար:
