«Ոչ միայն մեր նախկին կուսակից ընկերները, այլև բոլոր քաղաքական ուժերը հրավիրված էին, այդ թվում` նաև ԲՀԿ-ն, ու հստակ արտահայտեց իր նույն դիրքորոշումը, որ դեմ է լինելու»,- ասաց ԱԺ պատգամավոր Արագած Ախոյանը՝ անդրադառնալով սահմանադրական փոփոխությունների շուրջ ԲՀԿ-Սերժ Սարգսյան հանդիպմանը:
Այն դիտարկմանը` արդյո՞ք ինքը ցավ չի ապրում ԲՀԿ-ի նման ճակատագրի համար, պատգամավորը պատասխանեց, որ, իհարկե, ափսոսում է, քանի որ քիչ ջանք չէր թափվել: «Բայց դա ընդամենը քաղաքականություն է, և ոչ ոք չի կարող ասել, թե ինչ կարող է լինել, ինչի համար կարելի է ափսոսալ և չափսոսալ»,- ասաց նա:
Արագած Ախոյանը նշեց, որ չի ուզում ոչ ոքի քննադատել, դա ամեն մարդու որոշումն է, այդ թվում` ԲՀԿ ղեկավարության, բայց բոլորն էլ գիտեին, թե ինչ տեղի կունենա ԲՀԿ կուսակցության ղեկավարի արտահայտած դիրքորոշումից հետո:
«Սահմանադրական փոփոխությունների վերաբերյալ ի՞նչ կարծիք ունի» հարցին էլ պատասխանեց. «Երբ հիմա մեր ձեռքի տակ կունենանք, խոստանում եմ իմ կարծիքը դրա վերաբերյալ ավելի ուշ հայտնել»:
Ավելին՝ տեսանյութում:
