ԱԺ ՀՀԿ խմբակցության պատգամավոր Մհեր Սեդրակյանի (Թոխմախի Մհեր) անունը մեկ անգամ չէ, որ քրեական հեղինակությունների անունների կողքին է շրջանառվում: Այս անգամ էլ «Նուբարաշեն» ՔԿՀ-ի մոտ տեղի ունեցած միջադեպի գործով կասկածվող Գաստիկ մականունով անձնավորության անվան կողքին շոշափվում էր Մհեր Սեդրակյանի անունը:
Հայտնի է, որ Գաստիկի և ևս երկու մականունավորների նկատմամբ հետախուզում է հայտարարվել:
Yerkir.am-ը փորձել է կապ հաստատել ԱԺ պատգամավոր Մհեր Սեդրակյանի հետ՝ հասկանալու համար, ի վերջո, որքանո՞վ նա կապ ունի Գաստիկ մականունով Վահան Հակոբյանի հետ: Կայքի հեռախոսազանգին պատասխանել է Սեդրակյանի վարորդը, ով ներկայացել է որպես Սերյոժա:
Նա նշել է, որ այդ խոսակցություններն ինչ-որ մարդկանց կողմից հատուկ նպատակով են շրջանառության մեջ դրվում: «Նրանք էրեխա են, ախր, նրանք ի՞նչ կապ կարող են ունենալ Մհերի հետ»,- ասել է վարորդը:
Մանրամասները` yerkir.am կայքում:
