«Առաջին լրավական»-ի զրուցակիցն է ԱԺ ՀՀԿ խմբակցության պատգամավոր Հովհաննես Սահակյանը:
Անդրադառնալով սահմանադրական փոփոխությունների շուրջ քննարկումներին, «Առաջին լրատվական»-ի հետ զրույցում նա նշեց, որ քաղաքական ուժերի հետ քննարկումները շարունակվում են, և գործընթացն իր ժամկետի մեջ է:
«Պետք է սպասենք, որ Սերժ Սարգսյանն իր այս նախաձեռնության հետ կապված վերջնական որոշումը հայտնի: Կան հանդիպումներ, քննարկումներ, որոնց մի մասը երևացող են, մյուս մասը՝ ոչ: Դրանք բացառապես վերաբերում են սահմանադրական բարեփոխումներին, և ես կարծում եմ, որ այսօր մի իրավիճակ է, որ քաղաքական ուժերը պետք է մասնակցեն առնվազն սահմանադրական բարեփոխումների թե’ քաղաքական, թե’ բովանդակային քննարկումներին, որովհետև մի ժամանակահատված է, որտեղ պետք է որոշում կայացնեն` մեր երկրի ապագայի հետ կապված»,- ասաց պատգամավորը:
Մեր հարցին՝ իշխանությունն ի՞նչ ակնկալիք ունի ԲՀԿ-2-ից և ինչպե՞ս է վերաբերվում այն հանգամանքին, որ կուսակցության շարքերը շարունակում են նոսրանալ, փոխադարձ վիրավորանքներ են հնչում, Հովհաննես Սահակյանը պատասխանեց, որ իր համար կուսակցության դաշտում փոխադարձ վիրավորանքները որևէ անգամ տեղ չեն ունեցել:
«Ինձ համար ԲՀԿ այսօրվա քաղաքական թիմը` ինչ-որ մնացել է, ավելի ընկալել է, որովհետև այն ժամանակ, այլընտրանք կոչվելով, շատ ավելի ընդդիմադիր կեցվածքով էին խոսում կամ ինչ-որ պրոցեսներ էին տանում: Ես այլևս գիտեմ, որ ԲՀԿ քաղաքական թիմն ընդդիմություն է, և խաղում ենք ընդդիմություն-իշխանություն խաղի կանոններով, և ավելի ընկալելի է, ավելի ճիշտ է: Ինձ համար իսկապես շատ ավելի լավ կլինի, որ մեր ընդդիմությունն իսկապես կայացած լինի, ավելի ուժեղ, բովանդակային և կառուցողական լինի»,- ասաց նա:
Հովհաննես Սահակյանի խոսքով՝ հենց համակարգային փոփոխություններ լինեն, անձի դերը կուսակցության մեջ մի փոքր ավելի կնվազի:
Ավելին՝ տեսանյութում:
