Ռուսաստանի Անվտանգության դաշնային ծառայությունը (ԱԴԾ) լուրջ սպառնալիք է տեսնում երկրի ազգային անվտանգությանը Skype-ի, Gmail-ի և Hotmail-ի կողմից և առաջարկել է արգելել դրանց աշխատանքը Ռուսաստանի տարածքում:
Այսպիսով, հատուկ ծառայությունները խոստովանել են, որ չեն կարողանում վերահսկել նամակագրությունը և շփումն այդ կայքերի միջոցով, չնայած դրա անհրաժեշտությունը կա:
Այդ կայքերի փակման մասին է այսօր հայտարարել ԱԴԾ-ի տեղեկատվության պաշտպանության և հատուկ կապի կենտրոնի ղեկավար Ալեքսանդր Անդրեեչկինը` նշելով, որ շփումը ցանցերում կոդավորված գաղտնագրությունների միջոցով, որոնք առաջին հերթին օտարերկրյա արտադրության են, մեծ մտահոգություն է առաջացնում ԱԴԾ-ում: Ըստ Անդրեեչկինի` դա հատկապես վերաբերում է Gmail-ին, Hotmail-ին և Skype-ին:
«Այդ ծառայությունների զանգվածային օգտագործումը կարող է լայնածավալ սպառնալիք հանդիսանալ Ռուսաստանի ազգային անվտանգությանը», նշել նա: