Նաոմի Քեմփբելը Փարիզի Նորաձևության շրջանակում անցկացված երեկույթի ժամանակ Ռիհաննայի պատճառով կռվել է Կարա Դելևինի հետ, հայտնում է New York Post-ը:
Դեպքը տեղի է ունեցել կիրակի օրը Փարիզի Castel ակումբում: Ականատեսների խոսքով՝ Նաոմին սարսափելի բղավել է Կարայի վրա, իսկ հետո սկսել են միմյանց հրել: Ինչ-որ մի պահի Դելևինը անգամ քաշել է Նաոմիի մազերը:
Վեճի պատճառը Կարայի խոսքերն էին իրենց ընդհանուր ընկերուհու մասին, ինչը զայրացրել է Նաոմիին:
«Նաոմին կատաղած էր, նա հրահրեց այդ կեղտոտ կռիվը: Ընդ որում՝ Կարան չհասկացավ, թե ինչը կարող էր նման ագրեսիա առաջացնել, քանի որ նրա ու Ռիհաննայի հարաբերությունները լավ են, ու նա ոչ մի վատ բան չէր ասել: Կարան չէր ցանկանում ներգրավվել սկանդալի մեջ, այդ պատճառով մի քանի անգամ խնդրել է իրեն հանգիստ թողնել»,- իրավիճակը մեկնաբանել է ականատեսներից մեկը:
