Բրիտանայի Համայնքների պալատը ձայների գերակշիռ մեծամասնությամբ երկրորդ ընթերցմամբ հավանություն է տվել կառավարական օրինագիծը միասեռ ամուսնությունների օրինականացման մասին Անգլիայում և Ուելսում՝ չնայած պահպանողականների կողմից ուժեղ ընդդիմությանը: «Կողմ» է քվեարկել 400 պատգամավոր, «դեմ»՝ 175,- հաղորդում է BBC-ն:
Մեծ Բրիտանիայի վարչապետ Դևիդ Քեմերոնը այդ օրենքը անվանել է «կարևոր քայլ դեպի առաջ», որը կամրապնդի հասարակությունը:
Համայնքների պալատի 136 պահպանողական պատգամավորներ դեմ են քվեարկել, 127-ը աջակցել ենք օրենքին, իսկ պահպանողական կուսակցության 35 անդամ ձեռնպահ են մնացել: Օրինագծին կողմ քվեարկած պատգամավորները Լեյբորիստական կուսակցության անդամներ են:
Միասեռ ամուսնությունների օրինականացման օրենքի ընդունումը միասեռական զույգերին հնարավորություն կտա կնքել ինչպես քաղաքացիական ամուսնություն, այնպես էլ ամուսնանալ եկեղեցում, սակայն նրանք դա չեն կարող անել Անգլիայի եկեղեցու շրջանակում:
Նախօրեն խորհրդարանը կողմ էր քվեարկել այն բանին, որ Անգլիայում և Ուելսում անգլիկան եկեղեցականներին արգելվի կատարել նման արարողություններ, իսկ այլ եկեղեցիների ներկայացուցիչները իրավունք ունեն գործել իրենց հայեցողությամբ:
Ներկայումս նախագիծը կուղարկվի պալատ՝ ավելի մանրամասն ուսումնասիրության: