««Դաշնություն» աշտարակ» համալիրի «Արևելք» աշտարակի կառուցումը Մոսկվայի միջազգային «Մոսկվա Սիթի» կենտրոնում հետաձգվում է: Այն նախատեսվում է ավարտել 2016-ի ամռանը: Այս մասին գրում է Gazeta.ru-ն`վկայակոչելով համապատասխան մարմիններին: Ավելի վաղ նշվում էր, որ աշտարակը կկառուցվի մինչև 2015-ի ավարտը:
«Ներկա դրությամբ ամբողջությամբ ավարտված են մոնոլիտային աշխատանքները, մշակվում են ճակատները և տեղադրվում ինժեներական հաղորդակցությունները»,- ասել է ոլորտի մասնագետ Վադիմ Կոզեյչուկը:
Նրա խոսքերով`շինարարները նաև սկսել են կառուցել ապակե տանիքը: «Դրանից հետո մենք պետք է աշխատենք կռունկների և մարդկանց, շինանյութերը վերև բարձրացնող վերելակների ապամոնտաժման ուղղությամբ»,- հավելել է Կոզեյչուկը:
Նա նշել է, որ ներկա պահին շինարարական աշխատանքներին 800 մարդ է մասնակցում:
Հիշեցնենք, որ 2014-ի սեպտեմբերին «Դաշնություն» աշտարակը դարձել է ամենաբարձրը Եվրոպայում:
