Ասլան Ուսոյանի կողմնակիցները ամփոփել են իրենց առաջնորդի ոչնչացման հանգամանքների սեփական հետաքննության արդյունքները: Մեղավոր է ճանաչվել «օրենքով գող» Ռովշան Ջանիևը: Նրա և նրա կլանի անդամների դեմ դատավճիռ է կայացվել: Հակառակորդների «որսը» սկսված է: Մոսկվայում հունվարի 28-ին սպանվել է Ռովշանի «աջ ձեռքը»՝ Ռուֆո Գյանջանսկի մականունը կրող Ռուֆաթ Նասիբովը:
Ինչպես Rosbalt-ին հայտնել է իրավապահ մարմինների աղբյուրը, այն պահին, երբ հունվաի 16-ին դիպուկահարը կրակեց Ասլան Ուսոյանին, Ռուֆաթ Նասիբովը գտնվում էր Ուկրաինայի տարածքում: Դեդ Հասանի մահից հետո Գյանջանսկին եկել է Մոսկվա, որտեղ փորձել է թաքցնել իր ներկայությունը: Մայրաքաղաքում նրա գտնվելու մասին իմացել է մարդկանց նեղ շրջանակ, այնուհանդերձ՝ ինչ-որ մեկը նրանցից տեղեկությունը փոխանցել է Դեդ Հասանի կլանին:
Գյանջանսկուն սպանեցին Ասլան Ուսոյանի սպանությանը մասնակից լինելու կասկածանքով: Իրավապահ մարմինների աղբյուրը հայտնել է, որ նրան սպանել են Մոսկվայի Օտռադնոյե շրջանում, նրա դին դրել են բեռնախցիկը և տարել անհայտ ուղղությամբ: Սպանության մասին ՆԳՆ-ն իմացել է օպերատիվ ճանապարհով:
Գործակալության աղբյուրի փոխանցմամբ՝ Նասիբովը եղել է Ռովշան Ջանիևի մոտ օգնականը: Վերջինս էլ հանդիսանում է Ուսոյանի սպանության գլխավոր կասկածյալը: Նասիբովը Ջանիևի կլանում պատասխանտու է եղել ուժային օպերացիաների համար, այդ թվում՝ հակառակորդների ոչնչացման:
