Իշխանության բախտը բերել է

ՍԴՀԿ ատենապետ Լյուդմիլա Սարգսյանն այսօր հայտարարեց, թե իշխանությունների բախտը բերել է: Իսկ պատճառը, ըստ նրա, Հայ Ազգային Կոնգրեսի նման խելամիտ ու շատ գրագետ ընդդիմության հետ գործ ունենալն է: Սակայն, ըստ նրա, այս իրավիճակը երկար շարունակվել չի կարող: Եվ ըստ տիկին Սարգսյանի, Կոնգրեսը գնում է արտահերթ նախագահական ու խորհրդարանական ընտրությունների: Արտակ Զաքարյանն ի պատասխան ընդդիմության ներկայացուցչի, հայտարարեց, թե երկրում արտահերթ ընտրություններ չեն լինի, իսկ հաջորդ ընտրությունների արդյունքում իրենք շատ ավելի մեծ թվով ձայներ կստանան: Լյուդմիլա Սարգսյանի կարծիքով, Հայաստանում դե ֆակտո երկիշխանություն է ստեղծվել` մի կողմից ներկայիս իշխանությունները, մյուս կողմից` Հայ Ազգային Կոնգրեսը: «Ժողովրդի կամքը շատ կարեւոր է»,- ասաց նա: