ՊՍԺ-ի գլխավոր մարզիչ Լորան Բլանը հետաքրքրված է «Բարսելոնա»-ի կիսապաշտպպան Սերխիո Բուսկետսի ծառայություններով: Այդ մասին հայտնում է Sport-ը:
Տեղեկությունների համաձայն` փարիզյան ակումբը 75 մլն եվրո է առաջարկել Իսպանիայի հավաքականի ֆուտբոլիստի տրանսֆերի դիմաց: Սակայն կատալոնական ակումբը չի պատրաստվում հրաժարվել թիմի ավագներից մեկի ծառայություններից:
Հիշեցնենք, որ ավելի վաղ տարածված տեղեկությունների համաձայն` Բուսկետսն ու «Բարսելոնա»-ն համաձայնության են հասել նոր պայմանագրի շուրջ, որը կգործի մինչև 2019 թվականը: Նոր պայմանագրով նախատեսված հրաժարագինը 175-200 մլն եվրո կկազմի:







































