Գերմանացի կենսաբաններն առաջին անգամ հայտնաբերել են, թե մրջնաբնի որ մասերում են միջատները թողնում իրենց արտաթորանքը ու ինչու այն դեն չեն նետում այլ թափոնների հետ: Այս հարցին է նվիրված PLoS One ամսագրում հոդվածը՝ հայտնում է Los Angeles Times-ը:
Ռեգենսբուրգի համալսարանի գիտնականները փորձերն անցկացրել են գիպսից արհեստական մրջնաբնում ու պատահաբար ուշադրություն դարձրել, որ միջատները շագանակագույն հետքեր են թողնում դրա պատերին:
Կենսաբանները ուսումնասիրել են Lasius niger տեսակի 150-300 միջատների:
Գիտնականների կարծիքով՝ մրջյունների զուգարանները կատարում են որոշակի գործառույթ՝ հնարավոր է, որ միջատները այդտեղ թողնում են սննդարար նյութեր՝ փոքրիկ մրջյուններին կերակրելու նպատակով:
Հնարավոր է, որ արտաթորանքը ծառայել է որպես պարարտանյութ սնկերի համար, որոնք միջատներն աճեցնում են իրենց «ֆերմաներում»:
Բացի այդ՝ դրանք կարող են ունենալ հակամիկրոբային հատկություն ու օգտագործվել շինարարական նպատակներով:
