Բժիշկները Բոբի Քրիստինա Բրաունի ընտանիքի թույլտվությամբ փոխել են նրա կենսապահովման սարքավորման խողովակը, որով օդը հասնում է նրա թոքերը: Այս մասին է հաղորդում People պարբերականը:
Բրաունը 2012թ. վախճանված Ուիթնի Հյուսթոնի միակ դուստրն է:
Պարբերականի տվյալներով՝ այս «պրոցեդուրան արհեստական շնչառության սարքավորմանը միացված մարդկանց իրավիճակում սովորական է, քանի որ դրա միջոցով կանխվում են բորբոքումները խողովակի և կոկորդի շփման հատվածում»:
Ընդ որում, պարբերականը նշել է, որ վիրահատությունից հետո Բոբի Բրաունի վիակը չի փոխվել: «Նա դեռ գտնվում է ծայրահեղ ծանր վիճակում, մենք չգիտենք, ինչպիսի ելք կլինի»,- ասել են աղբյուրները:
21-ամյա Բոբի Քրիստինային անգիտակից վիճակում հայտնաբերել էին հունվարի 31-ին՝ Ատլանտայի իր տանը: Նրան անմիջապես հիվանդանոց էին տեղափոխել: Ոստիկանությունը շարունակում է հետաքննել դեպքի հանգամանքները:
