Փետրվարի 18-ին Մոսկվայի քրեական հետախուզության աշխատակիցները նախօրեին ձերբակալել են հայերից և ադրբեջանցիներից բաղկացած հանցավոր խմբի 8 անդամների, երբ նրանք փորձել են պոտենցիալ զոհից խլել մոտ 10 մլն ռուբլի: Իրավապահները վաղուց էին հետևում խմբի գործունեությանը, հայտնում է «Մովսկովսկի Կոմսոմոլեցը»:
Բանդիտական խմբի կազմում աշխատող տեղեկատու աղբյուրից հայտնի էր դարձել, որ չարագործները ծրագրում են հերթական հարձակումը: Ոստիկանները կապվել էին պոտենցիալ զոհի հետ և կոշիկի վաճառքով զբաղվող գործարարին առաջարկել հանդես գալ որպես խայծ:
Մոտավորապես ժ. 17:10-ին գործարարն իր «Լեքսուսով» երթևեկել է Մայակովսկու ուղղությամբ, երբ հայտնաբերել է, որ չի կարող առաջ շարժվել իր ճանապարհին կանգնած «Գազելի» պատճառով:
Մեքենայի սրահից դուրս է եկել 3 մարդ, որոնք մոտեցել են մեքենային, մուրճերով կոտրել դիմապակին ու փորձել սրահից հափշտակել պայուսակը, որում եղել է 9 մլն 800 հազար ռուբլի:
Նրանք նաև տրավմատիկ ատրճանակից կրակ են բացել վարորդի ուղղությամբ, սակայն վրիպել են:
Այն պահին, երբ նրանց ձեռքում է եղել պայուսակը, փողոցում հայտնվել են Արագ արձագանքման հատուկ ջոկատի անդամները:
Ձերբակալվելիս չարագործները ակտիվ դիմադրություն են ցույց տվել ոստիկաններին՝ կրակելով նրանց ուղղությամբ: Ի պատասխան՝ ոստիկանները կիրառել են իրենց տաբելային զենքերը, ինչի հետևանքով հարձակվողներից մեկը վիրավորվել է և տեղափոխվել հիվանդանոց: Այս մասին հայտնել է Մոսկվայի ոստիկանության պաշտոնական ներկայացուցիչ Սվետլանա Կոկոտովան:
