Քիչ առաջ Պարույր Հայրիկյանի մոտից դուրս եկավ Կարո Եղնուկյանը: Նա հայտնեց, որ Հայրիկյանը դեղերի ազդեցության տակ է և մի փոքր «շշմած» է, բայց երբ ինքը ձայն է տվել՝ Հայրիկյանն արձագանքել է:
Կարո Եղնուկյանը «Գրիգոր լուսավորիչ» ԲԿ տնօրեն Արա Մինասյանին մտահոգություն է հայտնել, որ միգուցե ոճրագործները ցանկանան իրենց «գործն» ավարտին հասցնել՝ ինչ-որ սպիտակ խալաթավորի գործուղեն Հայրիկյանի մոտ և սխալ ներարկման միջոցով նրան սպանեն: Մինասյանը նրան հավաստիացրել է, որ Հայրիկյանի անվտանգությունն ապահովված է, և նման հավանականությունը բացառվում է:
Եղնուկյանի փոխանցմամբ՝ Պարույր Հայրիկյանը դեղեր ընդունելուց կտրուկ հրաժարվում է և մի փոքր կազդուրվելուց հետո ընդհանրապես կհրաժարվի դեղամիջոցային բուժումից:
Նրա խոսքերով՝ Հայրիկյանը ավելի շատ բնական միջոցներով բուժման տարբերակն է նախընտրում:
