Պեկինի իշխանությունները հայտարարել են, որ օդի աղտոտվածության բարձր մակարդակի պատճառով ժամանակավոր կդադարեցնեն 100-ից ավելի գործարանների աշխատանքները։
Պետական կազմակերպությունները մեկ երրորդով պետք է կրճատեն ավտոտրանսպորտից օգտվելը։
Տեղական ԶԼՄ-ները հայտարարում են, որ աղտոտման հետևանքով Պեկինի հիվանդանոցներ դիմող հիվանդների թիվը վերջին շաբաթում աճել է 20%-ով։
Մի քանի ժամվա ընթացքում համացանցից մոտ 40 000 ստորագրություն է հավաքվել՝ էկոլոգիական օրենքին աջակցելու համար։
Վերջին շաբաթներում թանձր ծխամշուշը պատել է ահռելի տարածքներ Չինաստանի հյուսիսում։
