Գվեն Ստեֆանին հայտնվել է FASHION Magazine-ի նոր ամսագրի շապիկին, պատմել պարբերականին սեփական մարմնի ու սեքսուալության նկատմամբ վերաբերմունքի մասին, գրում է spletnik.ru-ն:
Նա խոստովանել է, որ բացասաբար է վերաբերվում մերկ նկարահանումներին. «Ես չեմ դատապարտում կանանց, որոնք կիսամերկ են լուսանկարվում, սակայն դա ինձ համար չէ, ես մինչև 30 տարեկանս անգամ կրունկներ չէի կրում: Մոտակա ժամանակներս հաստատ չեմ պաստրաստվում մասնակցել նման ֆոտոսեսիաների»,- ասել է նա:
Գվենի խոսքով՝ իրեն հազվադեպ է հաջողվել հարմարավետ զգալ սեփական մարմնում:
Դերասանուին վստահ է, որ սեքսուալությունը պարտադիր պայման չէ շոու-բիզնեսում հաջողության հասնելու համար:
«Արտիստ դառնալու համար հարկավոր է զարգանալ, այլ ոչ թե ցուցադրել սեփական մարմինը: Ես երբեք ստեղծագործության ժամանակ խաղադրույք չեմ կատարել սեքսի վրա»,- ասել է երգչուհին:
