Սիրիայի ընդդիմադիր ուժերը հանդես են գալիս այդ երկիր ԱՄՆ-ի և իրաքյան սցենարի նրա դաշնակիցների հնարավոր ռազմական միջամտության դեմ: Այս մասին Sputnik-ին ասել է սիրիական «Ազգային կամք» կուսակցության քարտուղար, «Հանուն փոփոխությունների և ազատագրության ճակատի» ղեկավարության անդամ Քադրի Ջամիլը:
«Սիրիայի ընդդիմությունը դեմ է Սիրիա ամերիկյան ռազմական ներխուժմանը, բայց նաև դեմ է նախագահ Բաշար Ասադի ռեժիմին՝ նրա հնացած տնտեսական և քաղաքական քայլերի պատճառով»,- հայտարարել է գործակալության զրուցակիցը:
«Մենք Իրաքի և Լիբիայի ողբերգական փորձից գիտենք, որ (ԱՄՆ-ի միջամտության դեպքում) միաժամանակ քանդվել են (այդ երկրների) պետական ռեժիմը, հասարակության կառուցվածքը»,- հայտարարել է Քադրի Ջամիլը՝ նշելով, որ Վաշինգտոնն «այդ երկրներ է գնացել կացնով՝ այնտեղ անիշխանություն ստեղծելով»:
Քադրի Ջամիլի խոսքով՝ Սիրիայի ընդդիմությունը երկրում իրավիճակի քաղաքական լուծման նպատակ ունի՝ իշխանությունն Ասադի կառավարությունից ընդդիմադիրներին աստիճանաբար փոխանցմամբ: Սակայն, ինչպես ասել է Ջամիլը, ԱՄՆ-ը հետաքրքրված է Սիրիայում զինված հակամարտության շարունակմամբ:
«Վաշինգտոնը հակամարտության որևէ կողմին թույլ չի տա ոչ հաղթել, ոչ պարտվել»,- ասել է Ջամիլը՝ հավելելով, որ «ԴԱԻՇ-ը («Իրաքի և Շամի իսլամական պետություն») ընդամենը գործիք է ԱՄՆ-ի ձեռքում»:
