Այսօր` փետրվարի 8-ին, «Արարատը» կրկին մեկնում է Սոչի, որտեղ մինչև փետրվարի 20-ը կանցկացնի այս տարվա երկրորդ արտասահմանյան ուսումնամարզական հավաքը: Սոչի կմեկնեն հետևյալ ֆուտբոլիստները՝
Դարպասապահներ. Արամ Հայրապետյան, Կարեն Իսրայելյան:
Պաշտպաններ. Վահե Մարտիրոսյան, Գորիկ Խաչատրյան, Ալեքսանդր Վոլչկով, Արարատ Պողոսյան, Նագի Բուրաս, Ռաֆֆի Կայա, Սեյեդ Հոսեյն Հոսեյնի:
Կիսապաշտպաններ. Դավիթ Գրիգորյան, Արմեն Դերձյան, Ամիրի Շոեյբ, Սաման Աղազամանի, Մհեր Սահակյան, Բրայան դե լա Ֆուենտե, Կարլո Չուեկա, Նիկոլաս Պրոեսման, Վիկտոր Գարզա, Արայիկ Մկրտչյան:
Հարձակվողներ. Ալեքսանդր Ռակիչ, Արեգ Ազատյան, Մոյսես Օրոզկո:
Հավաքին կմասնակցի նաև թիմի կազմում փորձաշրջան կանցնի 23-ամյա հարձակվող Մոյսես Օրոզկոն, ով նախկինում հանդես է եկել Մեքսիկայի «Տիգրես» և ԱՄՆ-ի «Դալաս» թիմերում, ինչպես նաև` ԱՄՆ-ի Մ-20 հավաքականում: Նշենք, որ արդեն պայմանագիր է ստորագրվել հարձակվող Արեգ Ազատյանի հետ:
Ինչպես և նախորդ հավաքի ընթացքում, «Արարատ»-ը կհանգրվանի «Վեսնա» մարզահամալիրում: Թիմը 3 ստուգողական հանդիպումներ կանցկացնի` փետրվարի 9-ին, 15-ին և 19-ին: Առաջին խաղում «Արարատ»-ը կհանդիպի Ռուսաստանի երկրորդ խմբի «Հարավ» գոտու մրցաշարում երկրորդ տեղում ընթացող «Աֆիպս»-ի հետ: Մյուս մրցակիցների անունները հայտնի կդառնան ավելի ուշ:
«Արարատ»-ի մամլո ծառայություն