«Մանչեսթեր Յունայթեդ»-ի դարպասապահ Դավիդ դե Խեան իր կարծիքն է հայտնել «Վեսթ Հեմ»-ի դեմ հանդիպման վերաբերյալ: Լոնդոնում կայացած հանդիպումն ավարտվել է 1:1 հաշվով: «Կարմիր սատանաներ»-ին պարտությունից փրկել է Դեյլի Բլինդը, ով գոլ է խփել 92-րդ րոպեին:
«Ինչ էլ պատահի, «Մանչեսթեր Յունայթեդ»-ը երբեք չի հանձնվում: Մենք միավոր վաստակեցինք դժվարին խաղում: Շարունակում ենք պայքարել»,- Twitter-ի իր էջում գրել է Դե Խեան:
Անգլիայի առաջնության 24-րդ տուրերից հետո «Մանչեսթեր Յունայթեդ»-ն իր ակտիվում 44 միավոր է գրանցել և զբաղեցնում է մրցաշարային աղյուսակի 4-րդ հորիզոնականը:
