Ֆրանսիացի կինեմատոգրաֆիստ Պիեռ Մորելին առաջարկել են զբաղվել «Պառկած հրաձիգը» («Prone Gunman») մարտաֆիլմի նկարահանմամբ, որի գլխավոր դերակատարը Շոն Պենն է: Այս մասին է տեղեկացնում The Hollywood Reporter-ը:
Ֆիլմը հիմնված է Ժան-Պատրիկ Մանշեթի համանուն վեպի վրա: Պենը կխաղա Մարտին Տերյեի՝ միջազգային հետախուզության գործակալի դերը, որին դավաճանել է այն կազմակերպությունը, որի հետ նա համագործակցում էր: Սյուժեի համաձայն, լրտեսը փախուստի է դիմում ամբողջ Եվրոպայով մեկ:
«Պառկած հրաձիգի» նկարահանումները կսկսվեն 2013 թ. գարնանը: Ֆիլմի վարձույթ դուրս գալու ժամանակի մասին տվյալներ չկան:
Մորելի ամենահայտնի ռեժիսորական աշխատանքներից են 2007 թ. նկարահանված «Գերին» («Taken»), որի գլխավոր դերակատարը Լիամ Նիսոնն է: Կարծիք կա, որ հենց այս ֆիլմն է դերասանի կարիերայի նոր խթանը հանդիսացել:
Ենթադրվում է, որ ապագայում Մորելը կզբաղվի Ֆրենկ Հերբերտի գիտաֆանտաստիկ «Ավազաբլուրներ» վեպի էկրանավորմամբ:
