Իրանի արտգործնախարար Ալի Աքբար Սալեհին հայտարարել է, որ սիրիական ճգնաժամի լուծումը «սիրիական-սիրիական» ձևաչափն է: Նա նշել է Սիրիայի գործերին արտաքին միջամտության բացակայության անհրաժեշտությունը: Այս մասին հայտնում է Mehr գործակալությունը:
Ադիս-Աբեբայում Աֆրիկյան միության գագաթնաժողովի շրջանակում կայացած մամլո ասուլիսի ժամանակ սիրիական ճգնաժամի լուծման վերաբերյալ լրագրողների հարցին պատասխանելիս, նա մատնանշել է Իրանի առաջարկած 6 կետից բաղկացած ծրագիրը և շեշտել դրա բովանդակության կարևորությունը:
Արևմտյան և արաբական պետությունները, ինչպիսին Սաուդյան Արաբիան և Կատարն են, զանգվածային հանցանքներ են գործել սիրիացի ժողովրդի դեմ՝ ահաբեկիչներին զենք ուղարկելով:
Սալեհիի խոսքով՝ սիրիական ճգնաժամի լուծման Եգիպտոսի քառակողմ ծրագրի վերաբերյալ դիվանագիտական խոհրդակցությունները շարունակվում են:
Խոսելով Իրանի և ԵՄ միջև միջուկային հարցերի շուրջ 5+1 ձևաչափով բանակցություններից՝ նա ասել է, որ խորհրդակցություններ են անցկացվում Ղազախստանի, Շվեյցարիայի և այլ երկրների հետ, որոնք բանակցությունները հյուրընկալելու պատրաստակամություն են հայտնել:
