Վրացի գործարար Բադրի Պատարկացիշվիլիի ժառանգներն ավարտել են IDS Borjomi-ի բաժնետոմսերի հիմնական փաթեթի վաճառքի գործարքը Альфа-Групп-ի մասնաճյուղերից մեկի հետ: Այս մասին «Փրայմ» գործակալությանը հայտնել է ժառանգների ներկայացուցիչը՝ հղում կատարելով Պատարկացիշվիլիի այրուն՝ IDS Borjomi-ի համասեփականատեր Իննա Գուդավաձեին:
«Մենք կարող ենք հաստատել, որ գործարքը փակված է»,-գրավոր մեկնաբանության մեջ մեջբերվում են Գուդավաձեի բառերը: Նրա խոսքերով՝ գործարքի պայմանները գաղտնի են: «Սակայն կարող ենք ասել, որ ընտանիքի մոտ մնացած բաժնետոմսերի փաթեթի չափը մեզ թույլ է տալիս ընկերության կառավարման մեջ ակտիվ մասնակցություն ունենալ»,- նշել է Գուդավաձեն:
Ինչպես ավելի վաղ տեղեկացրել էր Альфа-Групп-ը, իր մասնաճյուղերից մեկը IDS Borjomi-ից մասնաբաժին է գնում:
Forbes-ի տվյալներով՝ ընկերությունը մոտ 500 միլիոն դոլար արժե: Գործարքից առաջ հիմնական փաթեթը՝ այսինքն ընկերության 87 %-ը, պատկանում էր Պատարկացիշվիլի ընտանիքին, իսկ մնացած 13 %-ը՝ ուկրաինացի և վրացի բաժնետերերին: Հրատարակչության աղբյուրների տվյալներով՝ վերջիններս իրենց 6 %-ը վաճառում են ժառագներին, և գործարքի արդյունքում «Ալֆա-Գրուպը» ստանում է 55,8 %, 37,2 %-ը մնում է Պատարկացիշվիլի ընտանիքի, իսկ 6%՝ մնացածի մոտ:
Այս տեղեկատվությունը ժառանգների ընտանիքում չեն մեկնաբանում:
«Այժմ մենք գտնվում ենք ընկերության կառավարումը ռուսական ներդրողին փոխանցելու գործընթացում, և մենք մնում ենք փոքրամասնական բաժնետերեր, և ցանկացած պահի, եթե դրա անրաժեշտությունը լինի, պատրաստ ենք օգնել մեր ռուս գործընկերներին և ընկերության մենեջմենթին»,- նախօրեին իրադրությունը լրագրողներին մեկնաբանել է Գուդավաձեն:
Նրա խոսքերով՝ ընտանիքը դեռ չի պատրաստվում գործարքից ստացված գումարները ներդնել այլ ծրագրերի մեջ: «Մենք պատրաստվում ենք պահպանել այն ակտիվները, որոնք ներկա պահին կան ընտանիքի ձեռքում»,- գործակալությանը պարզաբանել է Գուդավաձեն:
Ինչ վերաբերում է Borjomi ընկերությանը, ապա ներկա պահին նույնանուն հանքային ջրի ներկրումը ռուսական շուկա արգելված է: «Մենք շատ ուրախ ենք, որ մեր երկու երկրների հարաբերությունները ջերմանում են: Մեզ մոտ հույս է հայտնվել, որ այդ ջերմացման հետ կապված, մեր հպարտությունը՝ վրացական Borjomi հանքային ջուրը, շուտով կվերադառնա ռուս սպառողին»,- ասել է Գուվադաձեն:
