Ադրբեջանի արտաքին գործերի նախարար Էլմար Մամեդյարովի հետ հանդիպումից հետո ԵԱՀԿ Մինսկի խմբի համանախագահները հայտարարություն են տարածել, հաղորդում է APA-ն:
Նշվում է, որ հանդիպման ժամանակ համանախագահներն անհանգստություն են հայտնել Հայաստանի և Ադրբեջանի զորքերի շփման գծում, հայ-ադրբեջանական սահմանին վերջին բախումների առնչությամբ:
«Տարվա սկզբին սկսված դրության սրումը պետք է դադարեցվի` հանուն վստահության վերականգնման և Լեռնային Ղարաբաղի հարցով բանակցություններում առաջխաղացման: Մենք Ադրբեջանին կոչ ենք անում կատարել հակամարտության խաղաղ լուծման հետ կապված իր պարտականությունները, իսկ Հայաստանին` լարվածությունը չեզոքացնելու միջոցներ ձեռնարկել: Կողմերը պետք է զուսպ վերաբերվեն հրադադարի մասին համաձայնագրի պայմաններին: Բռնությունն ի չիք է դարձնում հանուն խաղաղության ջանքերը»:
Փաստաթղթում նաև ասվում է, որ Էլմար Մամդեյարովի հետ հանդիպման ժամանակ քննարկվել են կարգավորման գործընթացի հնարավոր քայլերը, ինչպես նաև վերջնական խաղաղության համաձայնագրի տանող բանակցությունները.
«Մենք նախարարին հիշեցրեցինք իր մանդատի մասին: Մենք անհանգստություն հայտնեցինք` կապված բանակցությունների գործընթացի, ԵԱՀԿ համանախագահների և դիտորդների գործունեության քննադատության հետ: Մենք ընդգծեցինք ճակատային գծում անցանկալի միջադեպերի կանխման համար միջոցների ձեռնարկման կարևորությունը»:
Նշվում է, որ քննարկվել է նաև գերիների փոխանակման հարցը:
