Անցած տարի Mozilla-ն ներկայացրել է WebVR տեխնոլոգիայի աշխատանքը, որը հնարավորություն է տվել Firefox բրաուզերին աշխատելու վիրտուալ Oculus Rift իրականության հետ: Ընկերությունում այդ փորձը հաջողված են համարել, շուտով վիրտուալ իրականության հետ աշխատելու հնարավորություն կունենան նաև Firefox-ի՝ բոլորին հասանելի տարբերակները, գրում է hitech.vesti.ru-ն:
Ներկա պահին համակարգի աշխատանքի համար բրաուզերին լրացուցիչ պլագին է անհրաժեշտ, սակայն Firefox-ի nightly-ի բիլդերում և մշակողների համար նախատեսված տարբերակներում դրա անհրաժեշտությունը չկա: Այժմ վիրտուալ իրականությունը հասանելի է միայն Windows-ում, սակայն մոտակա ժամանակներում այն հասանելի կլինի Android-ի և Linux-ի համար: Oculus Rift-ից բացի, կկարգավորվի նաև Google Cardboard-ի հետ աշխատանքը:
Վերջին շրջանում համաշխարհային խոշորագույն արտադրողները վիրտուալ իրականության տեխնոլոգիաների հանդեպ մեծ ուշադրություն են ցուցաբերում: Google-ն աշխատում է Chrome բրաուզերի VR ծրագրի վրա: Իսկ վիրտուալ իրականությունը պատրաստվում է ֆիլմերի, խաղերի և ծրագրերի արտադրություն ներկրվել:
