Կոլորադոյի Ռայֆլ քաղաքում գտնվող Shooters Grill սրճարանը վայր է, որտեղ լավ են հիշում ԱՄՆ Սահմանադրության երկրորդ ուղղման մասին, որը երաշխավորում է զենքի պահման և կրման քաղաքացիների իրավունքը։ Հաստատության սեփականատիրոջ վճռով՝ բոլոր մատուցողուհիներն աշխատանքի են գալիս ատրճանակներով։ Այս մասին հայտնում է Russia Today-ը։
Այն բանից հետո, երբ ռեստորանի առջև մարդ սպանվեց, սեփականատեր Լորեն Բոբերտը պնդեց, որ բոլոր մատուցողուհիները լիցքավորված ատրճանակներ կրեն։
Ոստիկանության փոխանցմամբ՝ զենքի կրումը ռեստորանում օրենքի խախտում չէ, քանի որ այնտեղ ալկոհոլ չի վաճառվում։ Ատրճանակները լիցքավորված են էքսպանսիվ փամփուշտներով, որոնք ընդլայնվում են թիրախի հետ կապի ժամանակ՝ վնասը մեծացնելու համար։
Նորարարությունը չի վնասել բիզնեսին. այստեղ գալիս են մարդիկ ողջ Ամերիկայից։
Որոշ հաճախորդներ ասել են, որ իրենց այնտեղ պաշտպանված են զգում, քանի որ հաստատությունում գտնվում են 5-6 զինված կանայք։
