Ճապոնիան չի բացառում «Իսլամական պետության» կողմից գերեվարված Քենձի Գոտոյի փոխանակումը Հորդանանի բանտերից մեկում գտնվող ահաբեկիչ կնոջ հետ: Այդ մասին կիրակի մամլո ասուլիսի ժամանակ հայտարարել է երկրի կառավարության գլխավոր քարտուղար Յոսիհադե Սուգան՝ հաղորդում է TASS-ը:
«Քենձի Գոտոյի ազատ արձակման հարցին մենք մոտենալու ենք այն սկզբունքից ելնելով, որ մարդկային կյանքի պահպանումն առաջնային խնդիր է համարվում: Դրա համար մենք կգործադրենք բոլոր անհրաժեշտ ջանքերը: Մենք այդ հարցի շուրջ համագործակցում ենք Հորդանանի հետ»,- ասել է Սուգան՝ չբացառելով փոխանակման հավանականությունը:
«Մենք հիմք չունենք բացառելու, որ մեկ այլ գերի՝ Խարունա Յուկավան զոհվել է: Ներկա դրությամբ մենք ստուգում ենք այդ տեղեկությունը: Նրան գերեվարած գրոհայինները կապի մեջ չեն մտնում» ,- նշել է նա:
Ավելի վաղ NHK հեռուստաալիքի եթերում Ճապոնիայի վարչապետ Սինձո Աբեն նույնպես հայտարարել էր, որ «համացանցում տարածված գերիներով նոր տեսագրությունը ամենայն հավանականությամբ համապատասխանում է իրականությանը»:
