Առատ ձյունը ծնել է ձյան մեջ առանց վարտիքի լուսանկարվելու նորաձևությունը: Իսկ դա սկսվել է 40-ամյա Լինն Մայերսից, ով իր հարևանուհու հետ ներքնաշորով լուսանկարվել է ձյան մեջ և ընկերներին զվարճացնելու համար տեղադրել Facebook-ում…
Գաղափարը ձնագնդի պես թափ է առել, ձյան մեջ մերկ լուսանկարների էջն ավելի ու ավելի հանրահայտ է դարձել: Համեստները շարունակել են լուսանկարվել լողազգեստներով, իսկ ավելի համարձակները չեն թաքցրել իրենց հետույքները:
Այժմ լուսանկարների թիվը 250-ի է հասել:
Լիննը ցնցվել է, իմանալով, որ իր արարքն այդպիսի շարունակություն է ունեցել, հատկապես հետաքրքիր է այն, որ լուսանկարները ուղղարկվում են տարբեր երկրներից, նույնիսկ Այնպիսի երկրից, ինչպիսին է ԱՄԷ-ն:
Այն մասին, որ նա Facebook-ի աստղ է դարձել, Լիննը իմացել է, երբ ամուսնու հետ գյուղի ակումբն է այցելել, և այնտեղ մի անծանոթ երիտասարդ ասել է, որ հազիվ նրան ճանաչեց հագուստով: Օրերի ընթացքում այդ լուսանկարը տարածվել է վիրուսի պես, մարդիկ ավելացել են ընկերների շարքում և տեղադրել իրենց սեփական լուսանկարները: Ընդ որում՝ ամեն անգամ իրենց արժանիքները տարբեր առարկաներով են ծածկում՝ ձնեմարդ, շիշ, վզնոց և նույնիսկ թավա:
Այժմ Լիննը որոշել է իր ժամանցին հասարակական հնչեղություն տալ և մտածել է խմբի մասնակիցների օգնությամբ հիվանդանոցի համար գումար հավաքել: Այդ հիվանդանոցում 12 տարի առաջ փրկել էին նրա փոքրիկին, ով որոշել էր ժամանակից շուտ լույս աշխարհ գալ: Այժմ մայրը որոշել է օգնել բուժհաստատությանը, իսկ հավաքված գումարով կարելի է Շտապ օգնության մեքենա գնել, որի կարիքը բուժհաստատությունը շատ ունի:
