Թուրքական Zaman թերթի փոխանցմամբ, Թուրքիայում ամեն 4 ժամը մեկ սեռական բռնությունների է ենթարկվում մեկ երեխա: Նշվում է, որ ներկայումս թուրքական փողոցներում ապրում են 50.000 երեխաներ, որոնցից 30.000-ը տարատեսակ բռնությունների են ենթարկվում: Վերջին 5 տարիների ընթացքում նրանցից միայն 5000-ն են դիմել ոստիկանության օգնությանը:
Խնդրի մեղմացման համար 2010 թվականին Թուրքիայում արգելափակվել են 23.000 պոռնոգրաֆիկ կայքեր, որոնցից 15.000-ը` մանկական: 2009 թվականին էլ անվտանգության աշխատակիցները հավաքել են 3 միլիոն մանկական պոռնոգրաֆիկ խտասկավառակ (CD), իսկ այս տարվա առաջին եռամսյակում` 500.000 այդօրինակ CD:
Հիշեցնենք, որ այս խնդիրը մեծ աղմուկ հանեց այն ժամանակ, երբ 1.5 տարի առաջ նախագահ Աբդուլլահ Գյուլի հայրենի Քայսերի քաղաքում բռնաբարվեցին և սպանվեցին 3 երեխաներ: Դրանից հետո Թուրքիայում սկսել են ամենուրեք խոսել մահապատժի վերականգնման անհրաժեշտության մասին: