ԱՄՆ սենատում դեմոկրատական փոքրամասնության առաջնորդ Հարի Ռիդի աչքը կվիրահատեն՝ փորձելու համար վերադարձնել վնասվածքից հետո կորցրած տեսողությունը: Այս մասին հայտնում է Politico պարբերականը:
Ռիդը 3 շաբաթ առաջ մարզվելիս ընկել է, ինչի հետևանքով մի քանի կոտրվածք է ստացել, այդ թվում՝ դեմքի ոսկորների: Այդ ժամանակվանից Նևադայից ազդեցիկ սենատորի աջ աչքը կուրացել է: Բժիշկները համարել են, որ վիրահատությունն անհրաժեշտ է, այն նախատեսվում է հունվարի 26-ին: Դրանից հետո Ռիդը մի քանի օր կաշխատի Վաշինգտոնի իր տնից:
