Հայաստանի արտաքին առևտրաշրջանառության հիմնական մասը վերջին 10 տարիներին բաժին է ընկնում ԵՄ երկրներին և Ռուսաստանին: Այս տարվա հունվար-փետրվարի առևտրաշրջանառության 33%-ը բաժին է ընկել ԵՄ երկրներին, 28%-ը` ԱՊՀ երկրներին, որից 21.4%-ը` Ռուսաստանին:
ԵՄ երկրներից հայաստանցիները առևտուր են անում Գերմանիայի հետ (առևտրաշրջանառության 7.2%-ը)` պայմանավորված մեր հանքարդյունաբերության ոլորտում գերմանական «Groniment» ընկերության գործունեությամբ: ԵՄ երկրներից հաջորդը Բուլղարիան է, որին բաժին է ընկնում մեր առևտրաշրջանառության 6.3%-ը:
Վերջին տարիներին մեծացել է նաև Չինաստանի հետ մեր առևտրաշրջանառության ծավալը` կազմելով ընդհանուրի 8.6%-ը: Մեր առևտրաշրջանառության կառուցվածքում ԵՄ և ԱՊՀ երկրների մեջ չմտնող երկրներից համեմատաբար մեծ է նաև Իրանի (4.7%) և Թուրքիայի (3.5%) տեսակարար կշիռը:
