Ճապոնիայում հայտնի է դարձել հերթական զարմանալի պատմությունը: Մարտի 11-ին Ճապոնիայում տեղի ունեցած երկրաշարժից հետո ցունամին մի շան քշել տարել է բաց օվկիանոս: Շանը հաջողվել է փրկվել այն բանի շնորհիվ, որ բարձրացել է ծով քշված տան տանիքի վրա: Փրկարարները միայն մի քանի շաբաթ հետո են նկատել, որ ափից մոտ 2 կմ հեռավորության վրա գտնվող տան բեկորների վրա գտնվում է կենդանի շուն: Նրանց չի հաջողվել միանգամից փրկել շանը, որովհետև նա երկար ժամանակ հրաժարվել է ենթարկվել փրկարարներին:
Հեռուստացույցով շանը փրկելու ռեպորտաժը դիտելուց հետո շան տերն անմիջապես ճանաչել է իր չորքոտանի բարեկամին և պարզել նրա գտնվելու վայրը: Շատերը զարմանում են, թե ինչպես է շունն այդքան երկար ժամանակ մնացել առանց ջրի և սննդի:
