ՄԹ ֆինանսական դրության վերջին տվյալները սպասվածից ավելի վատն են ստացվել։ Բյուջեի շարունակվող պակասուրդը ՄԹ-ին սպառնում է կորցնել AAA վարկանիշը։
The Office for National Statistics-ի տվյալներով՝ 2012-ի դեկտեմբերի դրությամբ ՄԹ բյուջեի պակասուրդը կազմել է 15,4 մլրդ ֆունտ (24,4 մլրդ դոլար)։ 2011-ի դեկտեմբերի դրությամբ այն կազմել է £14,8 մլրդ։
Պետության ծախսերը աճել են 5,4%-ով, եկամուտները՝ 3,6%-ով։ Ծախսերն ավելի արագ տեմպերով են աճում, քան եկամուտները, բյուջեի պակասուրդը դանդաղ, սակայն անշեղորեն մեծանում է։ Փորձագետների կարծիքով՝ այս միտումները և ֆիսկալ ընդհանուր պատկերը հեռանկարում կմեծացնեն բրիտանական էկոնոմիկայի անկման ռիսկերը։
Տնտեսագետ Հովարդ Արչերի կարծիքով՝ այս իրավիճակում հեղինակավոր վարկանշային կազմակերպություններից մեկը կիջեցնի Բրիտանիայի վարկային վարկանիշը։
ՄԹ գանձարանի ղեկավար Ջորջ Օսբորնը ընդունել է, որ սպասվածից ավելի երկար ժամանակ կպահանջվի պետական ֆինանսները կարգավորելու համար։ Դրանից հետո Standard &Poor’s, Fitch և Moody’s վարկանշային գործակալությունները նախազգուշացրել են Բրիտանիային, որն այն կարող է կորցնել AAA վարկանիշը։