Եվրամիության դատարանը հեռուստաալիքներին թույլ է տվել է լրատվական թողարկումներում անվճար կիրառել հատվածներ՝ մրցակիցների բացառիկ ռեպորտաժներից:
Ինչպես հաղորդում է RIA Novosti-ն, նման որոշման պատճառը Sky արբանյակային հեռուստաալիքի տեղի մասնաճյուղի՝ Sky Oesterreich-ի ներկայացրած հայցն է Ավստրիայի դատարան: Հեռուստաալիքին, մասնավորապես, պատկանում է Ավստրիայում Եվրոպայի Լիգայի խաղերի հեռարձակման բացառիկ իրավունքը:
Այս իրավունքի համար հեռուստաալիքը տարեկան մի քանի միլիոն դոլար է վճարում: Սակայն տեղի կարգավորող մարմինը Sky Oesterreich-ին պարտավորեցրել է առանց փոխհատուցման թույլ տալ, որպեսզի ORF ավստրիական հեռուստաալիքը իր լրատվական թողարկումներում ցուցադրի խաղից հատվածներ:
ԵՄ դատարանը որոշում է կայացրել, որի համաձայն՝ կարգավորող մարմնի որոշումը չի հակասում եվրոպական օրենսդրությանը, քանի որ վերջինս ԶԼՄ-ներին թույլ է տալիս կիրառել մրցակիցների նյութերից հատվածներ, եթե խոսքը կարևոր իրադարձությունների մասին է: