ԱՄՆ-ը Թուրքիայի պաշտպանական արդյունաբերության արտադրանքների հիմնական գնորդն է: 2012 թվականին Վաշինգտոնն Անկարայից գնել է 490 մլն դոլարի սպառազինություն: Գրեթե 5 անգամ քիչ սպառազինություն է վաճառվել Արաբական Միացյալ Էմիրություններին (101 մլն դոլար), ևս 99 մլն դոլարի պաշտպանական արդյունաբերության արտադրանք է սպառել Սաուդյան Արաբիան:
Ընդհանուր առմամբ՝ Թուրքիայից զենքի արտահանումը 2012-ին աճել է 35.7 տոկոսով՝ հասնելով 1.2 մլրդ դոլարի: Նման տվյալներ է ներկայացրել Թուրքիայի պաշտպանական արդյունաբերության արտահանողների խորհուրդը՝ փոխանցում է Trend-ը:
Թուրքիան հիմնականում արտերկիր է վաճառել ուղղաթիռներ, ինքնաթիռներ և դրանց պահեստամասեր (287 մլն դոլար): Վաճառքի ծավալով դրանց հաջորդում են տուրբոռեակտիվ շարժիչները (218 մլն դոլար) և տանկերի ու մարտական զրահապատ մեքենաների պահեստամասերը (106 մլն դոլար):
