Բարաք Օբամայի երդմնակալության հանդիսավոր արարողության ժամանակ ԱՄՆ փոխնախագահ Ջո Բայդենը սխալմամբ իրեն ԱՄՆ նախագահ է հայտարարել:
Քաղաքագետները դրանում ակնարկ են տեսնում՝ ենթադրելով, թե Բայդենը 2016թ. պատրաստվում է պայքարել ԱՄՆ նախագահի պաշտոնի համար:
2013թ. հունվարի 19-ին Ջո Բայդենը հանդես է եկել հանդիսավոր արարողության ժամանակ, որը կազմակերպել էր Այովայի համայնքների պալատը (State Society of Iowa), որպեսզի նշի նահանգի կարևոր դերը 2008թ. ԱՄՆ նախագահական ընտրություններում Օբամայի առաջադրման գործում ու 2012թ. նրա հաղթանակը նախագահական ընտրություններում:
«Ես հպարտ եմ լինել Միացյալ Նահանգների նախագահ»,- հայտարարել է Բայդենը, ինչից հետո հավաքվածները ծիծաղել են, ու նա նորից է սկսել. «Ես հպարտ եմ լինել Միացյալ Նահանգների փոխնախագահ, բայց առավել հպարտանում եմ, որ նախագահ Բարաք Օբաման ընտրել է ինձ որպես փոխնախագահ»:
2013թ. հունվարի 21-ին Բայդենը երկրորդ անգամ երդվեց ԱՄՆ փոխնախագահի պաշտոնում` հայտնում է «Գոլոս Ռոսիա»-ն:
