Ինչպես տեղեկացնում է Երևանի «Փյունիկ»-ի պաշտոնական կայքը, թիմի 18-ամյա կիսապաշտպան Ղուկաս Պողոսյանը, ով հունվարի սկզբին ծնկի վիրահատության էր ենթարկվել, շարունակում է վերականգնվել Գերմանիայում և ուրբաթ օրը վերադառնալու է Հայաստան:
«Առայժմ ֆիզիոթերապևտների հսկողության տակ եմ: Հունվարի 25-ին կվերադառնամ Երևան, կսկսեմ քիչ ծանրաբեռնվածությամբ աշխատել մարզասրահում ու լողավազանում, իսկ փետրվարի հավաքի ժամանակ արդեն կսկսեմ մարզվել թե´ անհատական ծրագրով, թե´ թիմի հետ»,- ակումբի պաշտոնական կայքի փոխանցմամբ՝ ասել է ֆուտբոլիստը:
Հիշեցնենք, որ Գերմանիայում են նաև «Փյունիկ»-ի խաղացողներ Դավիթ Մանոյանն ու Հովհաննես Հովհաննիսյանը, ովքեր շարունակում են վերականգնողական կուրսը վիրահատությունից հետո:
Լուսանկարը՝ «Փյունիկ»-ի պաշտոնական կայքի:
