Կիրակի Գերմանիայի խոշորագույն դաշնային երկրամասերից մեկում՝ Ներքին Սաքսոնիայում տեղի ունեցած լանդթագի (օրենսդիր մարմին) ընտրություններում ընդդիմությունը հաղթել է: Այս մասին հայտնում է RIA Novosti-ն:
Քրիստոնեա-դեմոկրատների և լիբերալների իշխող կոալիցիան զիջել է իր դիրքերը ընդդիմադիր ուժերին: Ձայների նախնական հաշվարկով՝ տարածաշրջանային խորհրդարանում մեծամասնությունը, ինչպես նաև կառավարություն ձևավորելու հնարավորությունը կստանան ընդդիմադիր սոցիալ-դեմոկրատներն ու «կանաչները»:
Քրիստոնեա-դեմոկրատական միությունը, որի առաջնորդն է կանցլեր Անգելա Մերկելը, ընտրություններում ստացել է ընտրողների 36 տոկոսի քվեն, իսկ Գերմանիայի Ազատ դեմոկրատական կուսակցությունը 9.9 տոկոս ձայն է հավաքել:
Հայտնի է նաև, որ նրանց գլխավոր մրցակիցները՝ Սոցիալ-դեմոկրատներն ու «կանաչները», ստացել են համապատասխանաբար ձայների 32.6 և 13.7 տոկոսը:
Արդյունքում նրանք իշխող կոալիցիա և կառավարություն կձևավորեն: Ըստ ամենայնի, Ներքին Սաքսոնիայի ներկայիս վարչապետ Դևիդ Մաքալիստերին կփոխարինի սոցիալ-դեմոկրատ Շտեֆան Վայլը:
