«Միջազգային տագնապ» կազմակերպության և Կովկասի ինստիտուտի ջանքերով կազմակերպված կլոր սեղանին Իռլանդիայի քաղաքական գործիչ Դենիս Հոին խոսեց հակամարտությունների կարգավորման մասին:
Ըստ նրա` Հյուսիսային Իռլանդիայի հակամարտության կարգավորման ժամանակ եղել է պատային իրավիճակ. կողմերը բանակցել են 15 տարի շարունակ և ի վերջո հասել են համաձայնության:
«Պետք է ստեղծել համաձայնության գալու պահը: Պետք է ապահովել շարժում, որ բանակցությունները, փոխզիջումը և լուծման պահը առավել նախընտրելի են, քան կաղապարված վիճակը»,- ասաց Հոին` հավելելով, որ կյանքի փոփոխություններին զուգընթաց հարկավոր են փոփոխություններ մարդկանց մտածելակերպում:
Նա հավելեց նաև, որ կյանքում ոչինչ հավերժ չէ, այլ` փոփոխական: Քադաֆիի ռեժիմին էլ էր թվում, թե ինքը հավերժ է, սակայն, ըստ Հոիի` սխալվեցին այդպես մտածողները:
«Ի վերջո, բոլորը մեկ բան են ուզում` հնարավորություն ընտանիքի համար, նորմալ աշխատանք, հաց ու պանիր: Իսկ պայմաններ փնտրելու ցանկությունը նշանակում է` հարմարվել հարևանների հետ և ապրել փոխադարձ հարգանքի մթնոլորտում»,- ընդգծեց իռլանդացի քաղաքական գործիչը:
