Չեխիայում նախագահական ընտրությունների 2-րդ փուլի ֆավորիտ է համարվում նախկին վարչապետ Միլոշ Զեմանը: Այս մասին հաղորդում է չեխական մամուլը՝ վկայակոչելով հանրային կարծիքի ուսումնասիրության PPP Eactum կենտրոնին:
Հունվարի 25-ին և 26-ին տեղի ունենալիք նախագահական ընտրությունների 2-րդ փուլում կհանդիպեն Զեմանը և առաջին փոխվարչապետ, Չեխիայի արտգործնախարար իշխան Կարել Շվարցենբերգը:
Համաձայն հարցումների՝ Զեմանի օգտին կքվեարկի հարցման մասնակիցների 53.7 տոկոսը, իսկ Շվարցենբերգի օգտին՝ 46.3 տոկոսը: Զեմանին աջակցում են ձախակողմյան կուսակցության ներկայացուցիչները, իսկ Շվարցենբերգին՝ աջակողմյանները:
2-րդ փուլում ընտրողների մասնակցությունը կկազմի 62.5 տոկոս:
