Թուրքիայի կրթության ոլորտում վիճակը աղետալի է: Այդ պատճառով բոլոր քաղաքական խոստումները` 2023թ.-ին տնտեսությունը հասցնել աշխարհի 10 առաջատար տնտեսությունների թվին, նմանվում է «օճառային պղպջակի»: Այսպես է համարում Radikal թերթի տնտեսական հարցերով փորձագետ Գյուվեն Սաքը:
Տնտեսական խնդիրների քննարկումը և երկրի հեռանկարները մասնագետը սերտորեն կապել է կրթության ոլորտի հետ: Նրա կարծիքով՝ տնտեսական զարգացման դինամիկան պետք է զուգակցվի բնակչության շրջանում կրթության աճի տեմպերի հետ: Այդ պատճառով փորձագետը հանգում է ոչ հուսադրող եզրակացության:
Չնայած անցած սերունդների կրթության ցածր մակարդակին` Սակը կարծիք է հայտնում է, որ այդ մակարդակը պետք է փոխվի ներկայիս սերունդների մոտ: Համենայնդեպս, նման միտում նկատվում է այն երկրներում, որոնք Տնտեսական համագործակցության և զարգացման անդամ են: Այնտեղ երեխաների 50%-ը մնում է կրթական նույն մակարդակին, ինչ ծնողները: Բայց դրա փոխարեն 37%-ը հասնում է ավելի բարձր կրթական մակարդակի, քան նախորդ սերունդը:
Միևնույն ժամանակ Թուրքիայում այդ թվերը համապատասխանաբար կազմում են 66% և 33%: Սակայն թուրքական ընտանիքների 91%-ը հիմնականում ավարտել է տարրական դպրոցը:
Նրանց որոշակի մասը գտնվում է այդ մակարդակից էլ ցածր: Տնտեսական զարգացման տեմպերի և կրթության աճի մակարդակի միջև որոշակի կապ կա, ինչը իրեն զգացնել կտա առաջիկա տարիներին:
