Վրաստանի վարչապետ Իրակլի Ղարիբաշվիլին երկրի նախկին նախագահ Միխեիլ Սաակաշվիլիի կոչերը՝ ուղղված վրացի զինվորականներին, համարել է սադրիչ: Սաակաշվիլին նրանց առաջարկում է հանձնել վրացական անձնագրերը և մեկնել Ուկրաինա՝ կռվելու, որովհետև դա լավ է վարձատրվում: Այս մասին հայտնում է Ria Novosti-ն:
Ավելի վաղ վրացի կամավոր 32-ամյա Ալեքսանդր Գրիգոլաշվիլին զոհվել էր Ուկրաինայի արևելքում մարտերի ընթացքում: Նա կռվել է Կիևի կողմից: Վրաստանի պաշտպանության նախարարությունը դեկտեմբերի 20-ի հայտարարության մեջ Գրիգոլաշվիլիի մահվան պատասխանատվությունը դրել է Վրաստանի նախկին ղեկավարների վրա, որոնք, ինչպես ասվել է փաստաթղթում, «քաղաքացիներին կոչ են անում մասնակցել երկրի սահմաններից դուրս ռազմական գործողություններին»:
«Սաակաշվիլին և նրա ուղղակի սադրանքը վրացի մարտիկներին կոչ են անում դավաճանել իրենց հայրենիքը, քանի որ նա նրանց առաջարկում է հանձնել վրացական անձնագրերը և մեկնել Ուկրաինայում կռվելու՝ բարձր վարձատրության պատճառով»,- մամլո ասուլիսի ժամանակ հայտարարել է Ղարիբաշվիլին:
Նա հավելել է, որ վրացական զորքերը չեն մասնակցում Ուկրաինայում ռազմական գործողություններին, և «վրացի զինվորականները կլինեն այնտեղ, որտեղ կորոշի կառավարությունը, ոչ թե նախկին նախագահը»: