Տաջիկստանի Գերագույն դատարանը 26 տարվա ազատազրկման է դատապարտել Դիլովարշո Կասիմովին, ում դատարանը մեղավոր էր ճանաչել Տաջիկստանի առաջնորդի փեսայի՝ 57-ամյա Խոլմումին Սաֆարովի՝ «Անտառային տնտեսություն և որսորդություն» պետական ընկերության տնօրենի սպանության մեջ:
Բացի դրանից՝ դատապարտվածը մեղադրվում է զենքի անօրինական տնօրինության և բազմակնության մեջ:
Ավելի վաղ գլխավոր դատախազությունն այդ գործի բոլոր տվյալները պետական գաղտնիք էր հայտարարել:
2012թ-ի հունիս ամսին նախագահ Էմոմալի Ռախմոնի փեսան մահացու վիրավորվել էր Մակարով տեսակի ատրճանակից:
Դատապարտվածի փաստաբանն իր անհամաձայնությունն էր արտահայտել վճռի վերաբերյալ, հայտարարելով, որ քննությունն իր պաշտպանյալի մեղքն ապացուցող ոչ մի ուղիղ ապացույց չի ներկայացրել:
Ավելի վաղ միջազգային Amnesty International կազմակերպությնն իր անհանգստությունն էր արտահայտել Կասիմովի ճակատագրի վերաբերյալ, ով տանջանքների և դաժան վերաբերմունքի էր արժանացել:
