Aksakal.info.com կայքի հաղորդմամբ, ադրբեջանական երիտասարդության ներկայացուցիչները ապրիլի 2-ին հերթական անգամ բողոքի ակցիա են ձեռնարկել «Ադրբեջանի ժողովրդական ճակատ» կուսակցության նախագահ Ալի Քերիմլիի տան առջև` վանկարկելով «Ադրբեջանական երիտասարդությունը «ո՛չ» է ասում դավաճաններին, ինչպիսին Ալի Քերիմլին է», «Ամոթ, Ալի Քերիմլիին» և այլն:
Ակցիայի մասնակիցները հայտարարել են, որ ադրբեջանական երիտասարդությունն աջակցում է նախագահ Իլհամ Ալիևի վարած կուրսին, իսկ Ալի Քերիմլին և Իսա Գամբարին մտադիր են ապակայունացնել իրավիճակը Ադրբեջանում:
Հիշեցնենք, որ նախորդ տարվա աշնանը ադրբեջանական լրատվամիջոցները հեղեղվեցին տեղեկատվությամբ, թե Քերիմլին հայտարարել է, որ իշխանության գալու դեպքում պատրաստ է Ղարաբաղի հարցում ամեն տիպի զիջումների գնալուն:
Իսկ այս տարվա փետրվարի սկզբին Քերիմլին հայտարարել էր, որ ժողովրդավարացման ալիքը Հյուսիսային Աֆրիկայից հասնելու է նաև Ադրբեջան:
